విళంబి నామ సంవత్సరం రాశిఫలాలు మకరం Capricorn 2018 results

మకరం

ఉత్తరాషాఢ 2, 3, 4 పాదాలు; శ్రవణం, ధనిష్ట 1, 2 పాదాలు
ఆదాయం: 8; వ్యయం: 14

రాజపూజ్యం: 4; అవమానం: 5
మిశ్రమకాలం. ప్రణాళికాబద్ధంగా పనిచేస్తే విజయం అవలీలగా వస్తుంది. ఆత్మవిశ్వాసంతో కార్యాలను పూర్తిచేస్తారు. కొన్ని సందర్భాల్లో ఒకటనుకుంటే ఇంకొకటి అవుతుంది. మొహమాటంతో అనవసర ఖర్చులు పెరుగుతాయి. భవిష్యత్తు ప్రణాళికలు ఫలిస్తాయి. ఒక శుభవార్త మీ ఇంట సంతోషాన్ని నింపుతుంది. ఆధ్యాత్మిక కార్యక్రమాల్లో  పాల్గొంటారు. నూతన ప్రయత్నాలు సఫలమవుతాయి. సమయానుకూలంగా వ్యవహరించండి.


 లక్ష్యం మీద అవగాహనతో ముందుకు సాగాలి. తోటివారికి ఉపయోగపడే పనులు చేపడతారు. ఇబ్బందులు ఎదురయ్యే అవకాశం ఉంది. ఏకాగ్రతకు భంగం కలగకుండా వ్యవహరిస్తే సరిపోతుంది. ఎంతటి క్లిష్ట కార్యాన్నైనా ఇట్టే సాధించగల సమర్థత ఏర్పడుతుంది. బంధుమిత్రుల సలహాలు మేలైన ఫలితాలను ఇస్తాయి. ముఖ్యమైన విషయాలపై శ్రద్ధ పెట్టాలి. ఆర్థికాంశాల్లో లాభాలున్నాయి. మానసిక దృఢత్వం అవసరం. ఉద్యోగంలో ఖ్యాతి గడిస్తారు. విందువినోదాల్లో పాలుపంచుకుంటారు. సంపాదన పెరుగుతుంది. ఖర్చు తగ్గిస్తే స్థిరాస్తులు ఏర్పడతాయి. సాహసం చేసి తీసుకునే నిర్ణయాలు సత్ఫలితాన్నిస్తాయి. శక్తిసామర్థ్యాలు పెరుగుతాయి.



సమాజంలో మంచిపేరును సంపాదిస్తారు. కుటుంబసభ్యులతో విభేదాలు రాకుండా జాగ్రత్తపడండి. మాట పట్టింపులకు పోకండి. కార్యసిద్ధిలో అలుపెరగని శ్రమ అవసరం. అనేక విజయాలకు ఇది సరైన కాలం. అందుకు అవసరమైన శక్తి దైవబలంతో మీకు లభిస్తుంది. వ్యాపారంలో ప్రతి అడుగూ జాగ్రత్తగా వేయండి. అపార నష్టానికి అవకాశముంది. ఆరోగ్యరీత్యా కొంత ఇబ్బంది తలెత్తే అవకాశముంది. వ్యాపారస్థులకు అనుకూలమైన కాలం. మనసులో చెడు ఆలోచనలు రానీయకండి. ఒక వార్త మనోబలాన్ని పెంచుతుంది. ముందస్తు జాగ్రత్తలు అవసరం. అవసరానికి మించి ఖర్చులుంటాయి. విద్యార్థులకు ఆటంకాలు ఎదురవుతాయి.

 మహిళలకు కొంత శ్రమ ఉన్నా పట్టుదలతో విఘ్నాలను అధిగమిస్తారు. ఆర్థికంగా బలపడతారు. ధనధాన్యాది లాభాలున్నాయి. నూతన పనులు ప్రారంభిస్తారు. స్వేచ్ఛా భావాలతో ఆనందంగా ఉంటారు. గౌరవం పెరుగుతుంది. తగినంత గుర్తింపు లభిస్తుంది. అన్ని రంగాల్లో ముందుకు దూసుకువెళ్తారు. కుటుంబ పరిస్థితులు చక్కబడతాయి. ఆంజనేయ స్తోత్రం చదవాలి. శ్రీరామ దర్శనం ఉత్తమం. నువ్వులూ, మినుములూ దానం చేయాలి.
ఈ రాశివారి అదృష్ట సంఖ్య 8, కలిసొచ్చే వారం - శుక్రవారం, రంగులు - నీలం, తెలుపు. అదృష్ట దైవం లక్ష్మీదేవి.

విళంబి నామ సంవత్సరం రాశిఫలాలు ధనుస్సు Sagittarius results 2018

ధనుస్సు


మూల, పూర్వాషాఢ, ఉత్తరాషాఢ 1వ పాదం
ఆదాయం: 5; వ్యయం: 5

రాజపూజ్యం: 1; అవమానం: 5
బలమైన ప్రయత్నం ద్వారా విజయం సాధిస్తారు. ఆనందకర వాతావరణం ఉంటుంది. చైతన్యవంతంగా పనులు ప్రారంభించండి. బంధుజన సహకారం పూర్తిగా ఉంటుంది.
బుద్ధిబలంతో అంచెలంచెలుగా వృద్ధిని సాధిస్తారు. నూతన కార్యాలు ఉత్సాహాన్నిస్తాయి. గతంలో పూర్తికాని పనులు ఇప్పుడు పూర్తి అవుతాయి. ఆరోగ్యంపై అశ్రద్ధ వద్దు. కొన్ని సంఘటనలు బాధ కలిగిస్తాయి. ఆధ్యాత్మిక చింతన కాపాడుతుంది. అధికారులతో ఆచితూచి వ్యవహరించాలి. తోటివారి సహకారంతో పనులు పూర్తి అవుతాయి. అనవసర వివాదాలకు దూరంగా ఉండాలి.





 మీ పట్టుదలే మిమ్మల్ని ముందుకు నడిపిస్తుంది. అదృష్టం కలిసొచ్చి గొప్ప స్థితిమంతులవుతారు. అధికార లాభం సూచితం. వస్తు వస్త్రప్రాప్తి. ఒక శుభవార్త ఇంట్లో ఆనందాన్ని నింపుతుంది.బాధ్యతలు అధికమవుతాయి. శత్రువులు మిత్రులవుతారు. గతంలో ఆగిన పనులను మళ్లీ ప్రారంభిస్తారు. శారీరక శ్రమ పెరుగుతుంది. బుద్ధి బలం బాగుంటుంది. శత్రువులమీద విజయం సాధిస్తారు. ఆర్థికంగా అభివృద్ధి చెందుతారు. ఉద్యోగరీత్యా శుభకాలం ఉంటుంది. అందరికీ మేలు చేసే విధంగా మీ ప్రణాళికలుంటాయి. అధికారుల ప్రశంసలు అందుకుంటారు. సొంత నిర్ణయాలు ఆనందాన్నిస్తాయి. స్వతంత్ర భావాలు రక్షిస్తాయి





. శాశ్వతమైన కీర్తి లభిస్తుంది. దయాగుణం కలిగి ఇతరులకు మేలు చేస్తారు. కుటుంబంలోని వ్యక్తులకు అభివృద్ధి బాగా ఉంటుంది. ఒక విషయంలో ధర్మసంకటం ఏర్పడుతుంది. పెద్దల సూచనలతో ఆటంకాలు తొలగుతాయి. అధికారులతో ఆచితూచి వ్యవహరించాలి. వ్యాపారపరంగా జాగ్రత్తలు అవసరం. లక్ష్య సాధనలో ఎన్ని ఆటంకాలు ఎదురైనా దీటుగా ఎదుర్కొంటారు. మోసపూరిత వాతావరణం ఉంటుంది.





 ఆర్థికంగా అనవసరమైన వ్యయాన్నినివారించండి. విద్యార్థులు శ్రద్ధపెట్టి చదవాలి. ప్రయాణాల్లో ప్రమాదాలు జరగకుండా జాగ్రత్త వహించండి. అశాంతి కలిగినా వెంటనే పూర్వ పుణ్యం వల్ల శాంతి చేకూరుతుంది. కుటుంబ సభ్యుల సలహాలు అక్కరకు వస్తాయి. విభేదాలకు తావివ్వకండి. మహిళలకు పనిభారం పెరుగుతుంది. సంతృప్తినిచ్చే జీవితం లభిస్తుంది. తోటివారి సహకారం ఉంటుంది.


 ఈ రాశివారు ఆరోగ్యరీత్యా కొన్ని నియమాలు పాటించాలి. వెంకటేశ్వరస్వామిని ప్రార్థించాలి. లక్ష్మీ దర్శనం అదృష్టాన్నిస్తుంది. నువ్వులు, మినుములు దానం చేస్తే ఆపదలు తొలగుతాయి.
ఈ రాశివారి అదృష్ట సంఖ్య 3, కలిసొచ్చే వారం - మంగళవారం, రంగులు - పసుపుపచ్చ, ఎరుపు. అదృష్ట దైవం సుబ్రహ్మణ్యస్వామి.

విళంబి నామ సంవత్సరం రాశిఫలాలు వృశ్చికం Scorpio 2018 results

వృశ్చికం

విశాఖ 4వ పాదం; అనూరాధ, జ్యేష్ఠ
ఆదాయం: 2; వ్యయం: 14

రాజపూజ్యం: 5; అవమానం: 2
కల సాకారమవుతుంది. ఉత్సాహంతో పనులు ప్రారంభిస్తారు. ఆశయం వెంటనే నెరవేరుతుంది. కార్యసాధనలో మీదే పైచేయి అవుతుంది. సకాలంలో స్పందించి ఆపదలు దరిచేరకుండా జాగ్రత్తపడతారు. ఉద్యోగంలో విశేషమైన శుభయోగముంది. నూతన వస్తువులు కొనుగోలు చేస్తారు. పట్టుదలతో ముందడుగు వేయండి. ధైర్యంగా నిర్ణయాలు తీసుకోండి. సంబంధ బాంధవ్యాలు పటిష్ఠం చేసుకుంటారు. శ్రమ పెరుగుతుంది. అద్భుతమైన మేధోసంపత్తితో విజయాలు వశమవుతాయి. ఆర్థికంగా మంచి కాలమిది. చేపట్టిన పనులు నిదానంగా పూర్తి అవుతాయి. మాట విలువను
కాపాడుకోవాలి. అపోహలు తొలగుతాయి. నిబద్ధతతో పనిచేసి ప్రశంసలందుకుంటారు. బుద్ధిబలంతో పెద్దలను మెప్పిస్తారు. స్థానచలన సూచనలున్నాయి. బంధువుల వ్యవహారాల్లో అతి చొరవ తీసుకోవద్దు. విశేషమైన కృషి అవసరం. దయాగుణంతో వ్యవహరిస్తే బంగారు భవిష్యత్తు ఏర్పడుతుంది. సమాజంలో మీ విలువ పెరుగుతుంది.
సంతృప్తినిచ్చే ఫలితాలు వస్తాయి. వ్యాపారంలో ఒడిదొడుకులున్నా సమయస్ఫూర్తితో పనిచేసి లాభాలు రాబడతారు. పక్కనే ఉండి ఇబ్బందిపెట్టేవారున్నారు. సందర్భానుసారం మాట్లాడితే సరిపోతుంది. ఈ రాశి మహిళలకు బాగా కలిసి వస్తుంది. పని ఒత్తిడిని జయిస్తారు. సానుకూల వాతావరణం లభిస్తుంది. కుటుంబ వాతావరణం ఆనందాన్నిస్తుంది. శక్తికి మించిన పనులు చేసి సమాజంలో మీకంటూ ఒక
ప్రత్యేకమైన గుర్తింపును పొందుతారు. విష్ణు సహస్రనామం చదువుకుంటే అదృష్టం పడుతుంది. విష్ణు సందర్శనం శాంతినిస్తుంది. శనగలు, నువ్వులు దానం చేస్తే మంచి ఫలితాలు సిద్ధిస్తాయి.
ఈ రాశివారి అదృష్ట సంఖ్య 9, కలిసొచ్చే వారం - గురువారం, రంగులు - ఎరుపు, పసుపుపచ్చ. అదృష్ట దైవం శివుడు.

విళంబి నామ సంవత్సరం రాశిఫలాలు కన్య Virgo results 2018

కన్య

ఉత్తర 2, 3, 4 పాదాలు; హస్త, చిత్త 1, 2 పాదాలు
ఆదాయం: 14; వ్యయం: 2

రాజపూజ్యం: 6; అవమానం: 6
చక్కని ప్రణాళికలతో విజయం సాధిస్తారు. మనోబలంతో స్థిరమైన ఫలితాలు రాబడతారు. ఉద్యోగంలో అభివృద్ధి అద్భుతంగా ఉంటుంది. సిరిసంపదలు పుష్కలంగా సిద్ధిస్తాయి. విశేషమైన శుభ యోగాలున్నాయి. ధైర్యంగా ముందడుగువేస్తే తిరుగులేని కార్యసిద్ధి ఉంటుంది. శాశ్వతమైన శుభం ఒకటి చేకూరుతుంది. క్రమశిక్షణతో కూడిన ఫలితాలు మీకు గౌరవాన్నిస్తాయి. వచ్చిన అవకాశాలను సద్వినియోగం చేసుకుంటారు. పెద్దల అండదండలు పరిపూర్ణంగా ఉంటాయి. ఆర్థికంగా ఎదుగుదలకు ఇది సరైన సమయం. మంచి ఆలోచనలతో బంగారు భవిష్యత్తును నిర్మిస్తారు. భూలాభం ఉంది. వాహనయోగం పడుతుంది. స్థిరాస్తిని వృద్ధి చేసే ప్రయత్నం చేస్తారు.

అదృష్టం వరిస్తుంది. ఉద్యోగపరంగా అధికారుల సహకారం లభిస్తుంది. ఆనందం కలిగించే వార్తలు వింటారు. ముఖ్య వ్యక్తులకు శుభం జరుగుతుంది. కొన్ని సంఘటనలు నిరుత్సాహపరుస్తాయి. దీర్ఘకాల ప్రణాళికలు ఫలిస్తాయి. సొంత నిర్ణయాలు కలిసి వస్తాయి. కొన్ని సందర్భాల్లో వికటించే ప్రమాదం ఉంది. ఖర్చుల విషయంలో ఆచితూచి వ్యవహరించాలి. వ్యాపారంలో మంచి లాభం చేకూరుతుంది. వ్యాపారం దశదిశలా విస్తరిస్తుంది. గృహంలో శుభ కార్యాలు చేపడతారు. ఆరోగ్యంపై ఒత్తిడి పెరగకుండా చూసుకోవాలి. దైవ నిర్ణయం మీకు అనుకూలంగానే ఉంటుంది. అనేకమార్గాల్లో పైకి వచ్చే సూచనలు ఉన్నాయి.విద్యార్థులకు మంచి ఫలితం లభిస్తుంది. ఆధ్యాత్మిక చింతన మిమ్మల్ని గొప్పవారిని చేస్తుంది. ప్రత్యేకంగా స్త్రీలకు విశేషమైన శుభఫలితాలున్నాయి. మనోబలం ఉంటుంది. మహాలక్ష్మీ స్తోత్రం, లక్ష్మీ దర్శనం శక్తిని పెంచుతాయి. బొబ్బర్లు దానం చేయడం వల్ల ధనయోగం ఉంటుంది.

ఈ రాశివారి అదృష్ట సంఖ్య 5, కలిసొచ్చే వారం - శనివారం, రంగులు - ఆకుపచ్చ, నీలం. అదృష్ట దైవం శివుడు.

విళంబి నామ సంవత్సరం రాశిఫలాలు సింహం leo results 2018

సింహం

మఖ, పుబ్బ, ఉత్తర 1వ పాదం
ఆదాయం: 11; వ్యయం: 11
రాజపూజ్యం: 3; అవమానం: 6
బ్రహ్మాండమైన భవిష్యత్తు ఉంది. చేపట్టే పనుల్లో శీఘ్ర విజయం లభిస్తుంది. గృహలాభం ఉంటుంది. వృత్తి ఉద్యోగ వ్యాపారాల్లో మీదైన ప్రతిభను కనపరుస్తారు. ధనయోగం క్రమంగా పెరుగుతుంది. శ్రమ అధికమైనా శాంతియుతంగా జీవనం ఉంటుంది. సమాజంలో మంచి గుర్తింపు లభిస్తుంది. విందువినోదాల్లో పాల్గొంటారు. తొందరపాటు నిర్ణయాలు పనికిరావు. మీ ఆలోచనా ధోరణికి ప్రశంసలు లభిస్తాయి. కృషి విశేషంగా


చేయడం అవసరం. విద్యార్థులకు శుభ ఫలితాలు రావాలంటే బాగా శ్రమించాలి. కొన్ని పరిస్థితులు మానసికంగా అసంతృప్తిని కలిగిస్తాయి. చిన్నచిన్న ఆరోగ్య సమస్యలు ఉన్నా ఆరోగ్యం పర్వాలేదనిపిస్తుంది. వ్యాపారాల్లో ప్రతిభే కీలకమవుతుంది. కాలం ఆనందంగా గడుస్తుంది. తగినంత ప్రోత్సాహం లభిస్తుంది. మాటపట్టింపులకు దూరంగా
ఉండండి. కొన్ని సందర్భాల్లో శత్రువుల నుంచి అవమానాలు ఎదురవుతాయి. బుద్ధిబలంతో వాటిని ఛేదించండి. వాగ్వాదాలతో కాలం వృథా కాకుండా జాగ్రత్తపడండి. న్యాయబద్ధంగా వ్యవహరించి ఒక విషయంలో లాభపడతారు



. తొందరపడి డబ్బులు ఎవ్వరికీ ఇవ్వకండి. వ్యాపార లాభాలు ఉన్నాయి. సాహసోపేతమైన నిర్ణయాలతో గొప్ప విజయాలను అందుకుంటారు. ఈ రాశి మహిళలు అన్ని రంగాల్లోనూ పురోభివృద్ధిని సాధిస్తారు. ప్రత్యేకమైన గుర్తింపు పొందుతారు. ప్రతి విషయంలోనూ ఆచితూచి ఆలోచించి పనులను చక్కగా నిర్వర్తిస్తారు. వినయపూర్వకమైన ప్రవర్తనతో అందరినీ ఆకట్టుకుంటారు. ఆరోగ్యపరంగా ఈ రాశివారికి బాగుంటుంది. దుర్గాస్తోత్రం పఠించాలి. దుర్గాదేవిని సందర్శిస్తే మేలు జరుగుతుంది. మినుములు దానం ఇస్తే మనశ్శాంతి పెరుగుతుంది. ఈ రాశివారి అదృష్ట సంఖ్య 1, కలిసొచ్చే వారం - గురువారం, రంగులు - గులాబీ, పసుపు. అదృష్ట దైవం శివుడు.

విళంబి నామ సంవత్సరం రాశిఫలాలు వృషభం Taurus 2018 RESULTS

కృత్తిక 2,3,4 పాదాలు; రోహిణి, మృగశిర 1,2 పాదాలు
ఆదాయం: 11; వ్యయం: 5

రాజపూజ్యం: 1; అవమానం: 3
అదృష్టం వరిస్తుంది. విజయప్రదంగా కాలం మొదలవుతుంది. కుటుంబ సభ్యుల సహకారం లభిస్తుంది. ఆలోచనలు చైతన్యవంతంగా ఉంటాయి. బుద్ధిబలంతో అధికారులను మెప్పిస్తారు. ప్రతిభ విశేషంగా వృద్ధి చెందుతుంది. ఉద్యోగంలో మంచి ఫలితాలు ఉన్నాయి. నూతన వస్తువులు కొంటారు. కొన్ని సంఘటనలు బాధ కలిగిస్తాయి. మనోధైర్యంతో ముందుకు సాగుతారు. కుటుంబ సభ్యులతో అభిప్రాయభేదాలు రాకుండా చూసుకోవాలి. ధనయోగం పుష్కలంగా ఉంది. నిరంతరం అభివృద్ధి దిశగా ఆలోచించాలి. మంచి పేరుప్రతిష్ఠలు సంపాదిస్తారు. ఆశయాలు శీఘ్రంగా

నెరవేరుతాయి. పట్టుదల మిమ్మల్ని గొప్పవారిని చేస్తుంది. విందూ వినోద కార్యక్రమాల్లో పాల్గొంటారు. ఖర్చులు అధికమవుతాయి. కీలక విషయాల్లో ముందుచూపుతో వ్యవహరించి పెద్దల మన్ననలు పొందుతారు. నూతన కార్యాలను ప్రారంభిస్తారు. కొంతమంది సహకారంతో మంచి పనులు చేపడతారు. కొన్ని సమస్యలకు వెంటనే పరిష్కారం దొరుకుతుంది. సంతోషంగా కాలం గడుపుతారు. శత్రువులపై విజయం సాధిస్తారు. వ్యాపారపరంగా కొంత శ్రద్ధ వహించాలి. మోసపోయే అవకాశం ఉంది. అపార్థాలకు తావివ్వరాదు. ఆరోగ్యపరంగా మిశ్రమ కాలం. విద్యార్థులకు మంచి అవకాశాలున్నాయి. కానీ, బాగా శ్రద్ధ చూపాలి. మహిళలకు అనుకూల ఫలితాలున్నాయి. ఆధ్యాత్మికంగా కాలం కలిసి వస్తుంది. శివారాధన ఉత్తమ ఫలితాన్నిస్తుంది. నువ్వులు దానం చేస్తే మంచిది.
ఈ రాశివారి అదృష్ట సంఖ్య 6, కలిసొచ్చే వారం - బుధవారం, రంగులు - తెలుపు, ఆకుపచ్చ. అదృష్ట దైవం విష్ణుమూర్తి.

విళంబి నామ సంవత్సరం రాశిఫలాలు 2018. మేషం ..

అశ్విని, భరణి, కృత్తిక 1వ పాదం
ఆదాయం: 2; వ్యయం: 14

రాజపూజ్యం: 5; అవమానం: 7
ఇష్టకార్యసిద్ధి ఉంది. ఆర్థికాంశాలు బాగా కలిసి వస్తాయి. గతంలో కాని పనులు ఇప్పుడు పూర్తవుతాయి. సమాజంలో ప్రత్యేకమైన గౌరవం లభిస్తుంది. ఉద్యోగపరంగా మంచి విజయాలు సాధిస్తారు, పదోన్నతులున్నాయి. ఆత్మవిశ్వాసంతో పనిచేసి పేరు ప్రఖ్యాతులు సంపాదిస్తారు. కీలక వ్యవహారాల్లో ముందడుగు వేస్తారు. అధికార పరిధి పెరుగుతుంది. చేయని పొరపాటుకు నిందపడాల్సి వస్తుంది. న్యాయపరమైన అభివృద్ధి సూచితం. ఆరోగ్యం సహకరిస్తుంది. ఆత్మీయులకు మేలు జరుగుతుంది. బుద్ధి బలంతో అందరినీ ఆకట్టుకుంటారు. సుఖశాంతులు నెలకొంటాయి. కుటుంబపరంగా మంచి అభివృద్ధిని సాధిస్తారు. ఆటంకాలను అధిగమించి కార్యసాధనలో ముందడుగు వేస్తారు. ఆధ్యాత్మికంగా శుభ ఫలితాలు వస్తాయి. ఏదైనా శ్రద్ధతో ఆచరిస్తే ప్రశంసలు లభిస్తాయి. వ్యాపారపరంగా అనేక లాభాలున్నాయి. క్రమంగా ధనాదాయం పెరుగుతుంది.

విద్యార్థులకు కలిసివచ్చే కాలమిది. ఉన్నత శిఖరాలను అధిరోహిస్తారు. ఆశయం నెరవేరుతుంది. స్వల్ప ప్రయత్నంతోనే సంతృప్తికరమైన ఫలితాలు వస్తాయి. మహిళలకు అనుకూలమైన కాలం. అనేక రంగాల్లో వీరు సత్ఫలితాలను సాధిస్తారు. ఆరోగ్యపరంగా గతంలో కంటే మంచి ఫలితం ఉంటుంది. శుభయోగాలున్నాయి. రోజూ లక్ష్మీ ధ్యానం చేస్తే ఐశ్వర్యసిద్ధి కలుగుతుంది. మినుములు దానం చేస్తే శక్తి పెరుగుతుంది. రుద్రాభిషేకం వల్ల శాంతి లభిస్తుంది. రాజరాజేశ్వరీ దేవిని దర్శించాలి.
ఈ రాశివారి అదృష్ట సంఖ్య 9, కలిసొచ్చే వారం - ఆదివారం, రంగులు - ఎరుపు, గులాబీ. అదృష్ట దైవం సూర్యుడు.

జాతకరీత్యా రాశి శ్లోకం:

ఒక్క ఆధ్యాత్మిక అంశాల్లోనే కాదు వ్యాపార అభివృద్ధికైనా, ఆటలో గెలవాలన్నా, పరీక్షలో ఉత్తీర్ణులవ్వాలన్నా, జీవితంలో ఏదో ఒకటి సాధించాలన్నా అందుకు తగిన శ్లోకాన్ని పఠించాలనుకుంటాం. దాని గురించి చర్చిస్తాం. ఆదిశంకరాచార్యుల నుంచి స్వామీ వివేకానంద వరకూ శ్లోకాల గొప్పతనాన్ని వేనోళ్ల చాటినవారే. అయితే ఎన్నో వేల శ్లోకాల్లో జాతకరీత్యా  ఈ ఏడాది ఏ రాశివారు ఏ శ్లోకాన్ని జపించాలో క్లుప్తంగా...


జ్యోతిష సంప్రదాయంలోనూ హిందువుల దైనందిన ఆచారవ్యవహారాల్లోనూ నవగ్రహాలకు ఎంతో ప్రాముఖ్యం ఉంది. మానవుల స్థితిగతులు, భవిష్యత్తు తదితర వ్యవహారాల మీద వీటి ప్రభావం ఉంటుందనే విశ్వాసమే ఇందుకు కారణం. అందుకే నిత్య జీవితంలో విద్య, ఉద్యోగం, వివాహం, సంతానం, ఇల్లు... ఇలా ఏ విషయంలోనైనా సమస్యలు ఎదురైనప్పుడూ లేదా జాతకరీత్యా ఆటంకాలు ఏర్పడతాయన్న సందేహం వచ్చినప్పుడూ ఆయా గ్రహాల అనుగ్రహం పొందడానికి సంబంధిత శ్లోకాలను పఠిస్తారు. జపాలూ, హోమాలూ మొదలైన క్రతువులను నిర్వహిస్తారు. అయితే ఈ విళంబినామ సంవత్సరంలో పన్నెండు రాశులవారు ఏ గ్రహానికి సంబంధించిన జపం చేయాలో, తద్వారా ఎలాంటి ఫలితాలు లభిస్తాయో తెలుసుకుందాం.

ఈ అయిదు రాశులకూ...
వృషభం, కన్య, వృశ్చికం, ధనుస్సు, మకర రాశులవారికి ఈ సంవత్సరం శని ప్రభావం అధికంగా ఉండటం వల్ల ఈ రాశుల వారు శని శ్లోకాన్ని పఠిస్తే కొంత ఉపశమనం లభిస్తుంది. వృషభ రాశివారు ఈ శ్లోకాన్ని పఠించడం ద్వారా ఆరోగ్యం వృద్ధి చెందుతుంది, మనసు నిలకడగా ఉంటుంది. కన్యా రాశివారికి ఆర్థిక ఇబ్బందులు తొలగి, కుటుంబ సౌఖ్యం చేకూరుతుంది. వృశ్చికం, ధనుస్సు, మకర రాశులవారికి ఏలినాటి శని ప్రభావం తగ్గడంతోపాటు సంపద వృద్ధి చెంది, ఆటంకాలు తొలగుతాయి.
శ్లోకం: నీలాంజన సమాభాసం ।
      రవిపుత్రం యమాగ్రజం
      ఛాయామార్తాండ సంభూతం ।
      తం నమామి శనైశ్చరం ।।

 శక్తి కారకం...
మేష, మిథున, కర్కాటక, మీన రాశులవారు ఈ ఏడాది అంతా కుజ ధ్యానం చేయాలి. మేష రాశివారికి ఆర్థిక సమస్యలు, అపార్థాలకు తావులేకుండా ఉండేందుకు ఈ శ్లోకాన్ని పఠించాలి. మిథున రాశివారు ఈ శ్లోకాన్ని జపించడం వల్ల దాంపత్య విషయాల్లో గొడవలు సర్దుకోవడంతోపాటు సన్నిహితులతో సంబంధాలు మెరుగుపడతాయి. కర్కాటక రాశివారికి అదృష్టాన్నీ ధనాన్నీ పెంపొందించుకోవడానికి ఇది తోడ్పడుతుంది. కలహ నివృత్తికీ, అదృష్టప్రాప్తికీ కుజ శ్లోకం ఉపకరిస్తుంది.
శ్లోకం: ధరణీగర్భ సంభూతం ।
      విద్యుత్కాంతి సమప్రభమ్‌
      కుమారం శక్తిహస్తం ।
      తం మంగళం ప్రణమామ్యహం ।।

రాహు శ్లోకం...
సింహరాశిలో పుట్టిన వారు లేదా నామ నక్షత్రం ప్రకారం సింహరాశిలో ఉన్న వారూ ఈ సంవత్సరం మొత్తం రాహువుని ధ్యానిస్తే ఉత్తమ ఫలితాలు లభిస్తాయి. ఆకస్మికంగా ఎదురయ్యే ఇబ్బందులు లేదా ప్రమాదాల నుంచి రక్షణ పొందడంతోపాటు మనశ్శాంతిగా కాలం గడవడానికి ఈ శ్లోకం ఉపయోగపడుతుంది.
శ్లోకం: అర్ధకాయం మ


హావీరం ।
      చంద్రాదిత్య విమర్దనం
      సింహికాగర్భ సంభూతం ।
      తం రాహుం ప్రణమామ్యహం ।।

గురు కృప కోసం

 తులా రాశివారికి జన్మ స్థానంలో గురువు ఉన్నాడు కాబట్టి ఈ రాశివారికి ఈ సంవత్సరం మిశ్రమ ఫలితాలే లభిస్తాయి. ఈ రాశివారు నవగ్రహ ధ్యాన శ్లోకాల్లోని బృహస్పతి శ్లోకాన్ని పఠిస్తే కొంత ఉపశమనం కలుగుతుంది. ఆర్థిక వృద్ధి, మనోబలం చేకూరడంతోపాటు ఎంచుకున్న రంగంలో ఉన్నతిని సాధించడానికి ఈ శ్లోకం కొంత తోడ్పడుతుంది.
శ్లోకం: దేవానాంచ రుషీనాంచ ।
      గురుంకాంచన సన్నిభం
      బుద్ధిమంతం త్రిలోకేశం ।
      తం నమామి బృహస్పతిం ।।

ఆరోగ్యం కోసం...
జాతక రీత్యా కుంభ రాశివారికి ఈ ఏడాది తిరుగులేని కాలం.  ఆయురారోగ్యం, ఐశ్వర్యం సిద్ధించడానికి ఈ ఏడాది రవి శ్లోకాన్ని పఠించాల్సి ఉంటుంది.
శ్లోకం: జపాకుసుమ సంకాశం ।
      కాశ్యపేయం మహాద్యుతిమ్‌
      తమోరిం సర్వపాపఘ్నం ।
      ప్రణతోస్మి దివాకరమ్‌ ।।