Croatia survive England onslaught, thrive in extra time to reach World C...

విళంబి నామ సంవత్సరం రాశిఫలాలు మీనంPisces results 2018

మీనం


పూర్వాభాద్ర 4వ పాదం, ఉత్తరాభాద్ర, రేవతి
ఆదాయం: 5; వ్యయం: 5

రాజపూజ్యం: 3; అవమానం: 1
సమయస్ఫూర్తి అవసరం. ఆటుపోట్లు ఉన్నా శక్తిమంతులై కార్యాలను పూర్తిచేస్తారు. కాలం సహకరిస్తుంది. మిత్రుల సూచనలు అవసరం. ఎన్ని ఆటంకాలు ఎదురైనా
పట్టుదలతో పనిచేయండి. ఆర్థికంగా కలిసి వస్తుంది. క్రమంగా ఉన్నత స్థితికి చేరుకుంటారు. వ్యయభారం పెరుగుతుంది. మొహమాటాన్ని పక్కనపెట్టి సకాలంలో తగిన నిర్ణయాలు తీసుకుంటూ ముందుకు సాగండి. సహనాన్ని కోల్పోవద్దు. కీలక వ్యవహారాల్లో కుటుంబ సభ్యుల సహకారం తీసుకోవాలి.అనవసర ధనవ్యయం కాకుండా శ్రద్ధ పెట్టాలి. ఆటంకాలు వాటంతటవే తొలగుతాయి. అవసరానికి తగిన సహాయం అందుతుంది.




అంతిమంగా లక్ష్యాన్ని చేరుకుంటారు. సంతృప్తినిచ్చే ఫలితం దగ్గరలోనే ఉంది. అదృష్టయోగం పడుతుంది. వ్యవస్థాగతంగా సమూల మార్పులు తీసుకురావడానికి అనుకూలమైన కాలమిది. విద్యార్థులు పోటీ పరీక్షల్లో విజయం సాధిస్తారు. అచంచలమైన ఆత్మవిశ్వాసం మిమ్మల్ని కార్యోన్ముఖుల్ని చేస్తుంది.

ఉద్యోగ ప్రయత్నాలు ఫలిస్తాయి. అధికారుల ప్రోత్సాహం లభిస్తుంది. వ్యాపారపరంగా కొన్ని మార్పులు చేసుకుంటే అఖండమైన లాభం చేకూరుతుంది. నూతన ప్రయత్నాలు సఫలమవుతాయి. మహిళలకు కొంత ఇబ్బందికరంగా ఉన్నా అంతిమంగా కార్యసిద్ధి లభిస్తుంది. ప్రారంభంలో సమస్యలు ఎదురైనా వినయంతో వాటిని సాధిస్తారు. సౌభాగ్య యోగం ఉంది. ఆధ్యాత్మికంగా విశేషమైన దైవరక్షణ లభిస్తుంది. ఆపదల నుంచి బయటపడతారు. ఆరోగ్యరీత్యా అనుకూల కాలం. సుబ్రహ్మణ్య స్తోత్రం పఠించాలి. దుర్గామాత దర్శనం శుభాన్నిస్తుంది. కందులు, శనగలు దానం ఇవ్వాలి.
ఈ రాశివారి అదృష్ట సంఖ్య 3, కలిసొచ్చే వారం - సోమవారం, రంగులు - పసుపుపచ్చ, తెలుపు. అదృష్ట దైవం దుర్గాదేవి.

విళంబి నామ సంవత్సరం రాశిఫలాలు కుంభం Aquarius results 2018

కుంభం


ధనిష్ట 3, 4 పాదాలు; శతభిషం, పూర్వాభాద్ర 1, 2, 3 పాదాలు
ఆదాయం: 8; వ్యయం: 14
రాజపూజ్యం: 7; అవమానం: 5
అదృష్టం పడుతుంది. దైవబలంతో గొప్పవారవుతారు. సమస్యలు తగ్గుముఖం పడతాయి. కుటుంబ సభ్యులతో ఆనందంగా గడుపుతారు. ఉద్యోగంలో మంచి పేరు సంపాదిస్తారు. ఇబ్బందికర సంఘటనలు ఎదురయ్యే సూచనలున్నాయి. ఆటంకాలను సమర్థంగా ఎదుర్కొంటారు. మీ భావాలను స్పష్టంగా వ్యక్తపరుస్తారు. అసాధారణమైన ప్రతిభతో అనేక విజయాలను సొంతం చేసుకుంటారు. అనుకూల పవనాలు వీస్తాయి.


ప్రయత్నాన్నిబట్టే ఫలితం ఉంటుంది. కాబట్టి బాగా కృషి చేయండి. అర్హత పెరుగుతుంది. సమాజంలో ప్రత్యేకమైన స్థానం లభిస్తుంది. బాధ్యతలు అధికమవుతాయి. విశేషమైన ధనయోగం పడుతుంది. వ్యాపారంలో ఆశించిన దానికంటే రెట్టింపు లాభాలు వస్తాయి. పది రకాలుగా ప్రయత్నాలు మొదలుపెట్టాలి. ఉద్యోగరీత్యా బ్రహ్మాండమైన శుభయోగాలున్నాయి. రాజయోగం పడుతుంది. తగినంత కృషిచేస్తే సరిపోతుంది. మంచి ఆరోగ్యం చేకూరుతుంది. ఇబ్బందులు లేనివిధంగా జీవితం కొనసాగుతుంది. విద్యార్థులకు సరస్వతీ కటాక్షం లభిస్తుంది. చదివింది అక్కరకు వస్తుంది. పోటీతత్వం పెరుగుతుంది. మనోభీష్టం నెరవేరుతుంది. పెద్దల ఆశీర్వచనం పనిచేస్తుంది. మహిళలకు తిరుగులేని విజయాలున్నాయి. భవిష్యత్తు ప్రణాళికలు కొన్ని అమలుచేస్తారు.

అధికారుల మన్ననలు పొందుతారు. కావలసినంత శక్తి లభిస్తుంది. ఆధ్యాత్మికంగా జ్ఞానవృద్ధి లభిస్తుంది. ఖండాంతరాల్లో ఖ్యాతి లభిస్తుంది. బాధ్యతాయుతమైన ప్రవర్తన ఆదర్శవంతమవుతుంది. ఆంజనేయ ధ్యానం శుభాన్నిస్తుంది. శివాలయ దర్శనం ఆరోగ్యాన్నిస్తుంది. గోధుమల దానం ఉద్యోగ బలాన్ని వృద్ధి పరుస్తుంది.

ఈ రాశివారి అదృష్ట సంఖ్య 8, కలిసొచ్చే వారం - బుధవారం, రంగులు - నీలం, ఆకుపచ్చ. అదృష్ట దైవం విష్ణుమూర్తి.

విళంబి నామ సంవత్సరం రాశిఫలాలు మకరం Capricorn 2018 results

మకరం

ఉత్తరాషాఢ 2, 3, 4 పాదాలు; శ్రవణం, ధనిష్ట 1, 2 పాదాలు
ఆదాయం: 8; వ్యయం: 14

రాజపూజ్యం: 4; అవమానం: 5
మిశ్రమకాలం. ప్రణాళికాబద్ధంగా పనిచేస్తే విజయం అవలీలగా వస్తుంది. ఆత్మవిశ్వాసంతో కార్యాలను పూర్తిచేస్తారు. కొన్ని సందర్భాల్లో ఒకటనుకుంటే ఇంకొకటి అవుతుంది. మొహమాటంతో అనవసర ఖర్చులు పెరుగుతాయి. భవిష్యత్తు ప్రణాళికలు ఫలిస్తాయి. ఒక శుభవార్త మీ ఇంట సంతోషాన్ని నింపుతుంది. ఆధ్యాత్మిక కార్యక్రమాల్లో  పాల్గొంటారు. నూతన ప్రయత్నాలు సఫలమవుతాయి. సమయానుకూలంగా వ్యవహరించండి.


 లక్ష్యం మీద అవగాహనతో ముందుకు సాగాలి. తోటివారికి ఉపయోగపడే పనులు చేపడతారు. ఇబ్బందులు ఎదురయ్యే అవకాశం ఉంది. ఏకాగ్రతకు భంగం కలగకుండా వ్యవహరిస్తే సరిపోతుంది. ఎంతటి క్లిష్ట కార్యాన్నైనా ఇట్టే సాధించగల సమర్థత ఏర్పడుతుంది. బంధుమిత్రుల సలహాలు మేలైన ఫలితాలను ఇస్తాయి. ముఖ్యమైన విషయాలపై శ్రద్ధ పెట్టాలి. ఆర్థికాంశాల్లో లాభాలున్నాయి. మానసిక దృఢత్వం అవసరం. ఉద్యోగంలో ఖ్యాతి గడిస్తారు. విందువినోదాల్లో పాలుపంచుకుంటారు. సంపాదన పెరుగుతుంది. ఖర్చు తగ్గిస్తే స్థిరాస్తులు ఏర్పడతాయి. సాహసం చేసి తీసుకునే నిర్ణయాలు సత్ఫలితాన్నిస్తాయి. శక్తిసామర్థ్యాలు పెరుగుతాయి.



సమాజంలో మంచిపేరును సంపాదిస్తారు. కుటుంబసభ్యులతో విభేదాలు రాకుండా జాగ్రత్తపడండి. మాట పట్టింపులకు పోకండి. కార్యసిద్ధిలో అలుపెరగని శ్రమ అవసరం. అనేక విజయాలకు ఇది సరైన కాలం. అందుకు అవసరమైన శక్తి దైవబలంతో మీకు లభిస్తుంది. వ్యాపారంలో ప్రతి అడుగూ జాగ్రత్తగా వేయండి. అపార నష్టానికి అవకాశముంది. ఆరోగ్యరీత్యా కొంత ఇబ్బంది తలెత్తే అవకాశముంది. వ్యాపారస్థులకు అనుకూలమైన కాలం. మనసులో చెడు ఆలోచనలు రానీయకండి. ఒక వార్త మనోబలాన్ని పెంచుతుంది. ముందస్తు జాగ్రత్తలు అవసరం. అవసరానికి మించి ఖర్చులుంటాయి. విద్యార్థులకు ఆటంకాలు ఎదురవుతాయి.

 మహిళలకు కొంత శ్రమ ఉన్నా పట్టుదలతో విఘ్నాలను అధిగమిస్తారు. ఆర్థికంగా బలపడతారు. ధనధాన్యాది లాభాలున్నాయి. నూతన పనులు ప్రారంభిస్తారు. స్వేచ్ఛా భావాలతో ఆనందంగా ఉంటారు. గౌరవం పెరుగుతుంది. తగినంత గుర్తింపు లభిస్తుంది. అన్ని రంగాల్లో ముందుకు దూసుకువెళ్తారు. కుటుంబ పరిస్థితులు చక్కబడతాయి. ఆంజనేయ స్తోత్రం చదవాలి. శ్రీరామ దర్శనం ఉత్తమం. నువ్వులూ, మినుములూ దానం చేయాలి.
ఈ రాశివారి అదృష్ట సంఖ్య 8, కలిసొచ్చే వారం - శుక్రవారం, రంగులు - నీలం, తెలుపు. అదృష్ట దైవం లక్ష్మీదేవి.

విళంబి నామ సంవత్సరం రాశిఫలాలు ధనుస్సు Sagittarius results 2018

ధనుస్సు


మూల, పూర్వాషాఢ, ఉత్తరాషాఢ 1వ పాదం
ఆదాయం: 5; వ్యయం: 5

రాజపూజ్యం: 1; అవమానం: 5
బలమైన ప్రయత్నం ద్వారా విజయం సాధిస్తారు. ఆనందకర వాతావరణం ఉంటుంది. చైతన్యవంతంగా పనులు ప్రారంభించండి. బంధుజన సహకారం పూర్తిగా ఉంటుంది.
బుద్ధిబలంతో అంచెలంచెలుగా వృద్ధిని సాధిస్తారు. నూతన కార్యాలు ఉత్సాహాన్నిస్తాయి. గతంలో పూర్తికాని పనులు ఇప్పుడు పూర్తి అవుతాయి. ఆరోగ్యంపై అశ్రద్ధ వద్దు. కొన్ని సంఘటనలు బాధ కలిగిస్తాయి. ఆధ్యాత్మిక చింతన కాపాడుతుంది. అధికారులతో ఆచితూచి వ్యవహరించాలి. తోటివారి సహకారంతో పనులు పూర్తి అవుతాయి. అనవసర వివాదాలకు దూరంగా ఉండాలి.





 మీ పట్టుదలే మిమ్మల్ని ముందుకు నడిపిస్తుంది. అదృష్టం కలిసొచ్చి గొప్ప స్థితిమంతులవుతారు. అధికార లాభం సూచితం. వస్తు వస్త్రప్రాప్తి. ఒక శుభవార్త ఇంట్లో ఆనందాన్ని నింపుతుంది.బాధ్యతలు అధికమవుతాయి. శత్రువులు మిత్రులవుతారు. గతంలో ఆగిన పనులను మళ్లీ ప్రారంభిస్తారు. శారీరక శ్రమ పెరుగుతుంది. బుద్ధి బలం బాగుంటుంది. శత్రువులమీద విజయం సాధిస్తారు. ఆర్థికంగా అభివృద్ధి చెందుతారు. ఉద్యోగరీత్యా శుభకాలం ఉంటుంది. అందరికీ మేలు చేసే విధంగా మీ ప్రణాళికలుంటాయి. అధికారుల ప్రశంసలు అందుకుంటారు. సొంత నిర్ణయాలు ఆనందాన్నిస్తాయి. స్వతంత్ర భావాలు రక్షిస్తాయి





. శాశ్వతమైన కీర్తి లభిస్తుంది. దయాగుణం కలిగి ఇతరులకు మేలు చేస్తారు. కుటుంబంలోని వ్యక్తులకు అభివృద్ధి బాగా ఉంటుంది. ఒక విషయంలో ధర్మసంకటం ఏర్పడుతుంది. పెద్దల సూచనలతో ఆటంకాలు తొలగుతాయి. అధికారులతో ఆచితూచి వ్యవహరించాలి. వ్యాపారపరంగా జాగ్రత్తలు అవసరం. లక్ష్య సాధనలో ఎన్ని ఆటంకాలు ఎదురైనా దీటుగా ఎదుర్కొంటారు. మోసపూరిత వాతావరణం ఉంటుంది.





 ఆర్థికంగా అనవసరమైన వ్యయాన్నినివారించండి. విద్యార్థులు శ్రద్ధపెట్టి చదవాలి. ప్రయాణాల్లో ప్రమాదాలు జరగకుండా జాగ్రత్త వహించండి. అశాంతి కలిగినా వెంటనే పూర్వ పుణ్యం వల్ల శాంతి చేకూరుతుంది. కుటుంబ సభ్యుల సలహాలు అక్కరకు వస్తాయి. విభేదాలకు తావివ్వకండి. మహిళలకు పనిభారం పెరుగుతుంది. సంతృప్తినిచ్చే జీవితం లభిస్తుంది. తోటివారి సహకారం ఉంటుంది.


 ఈ రాశివారు ఆరోగ్యరీత్యా కొన్ని నియమాలు పాటించాలి. వెంకటేశ్వరస్వామిని ప్రార్థించాలి. లక్ష్మీ దర్శనం అదృష్టాన్నిస్తుంది. నువ్వులు, మినుములు దానం చేస్తే ఆపదలు తొలగుతాయి.
ఈ రాశివారి అదృష్ట సంఖ్య 3, కలిసొచ్చే వారం - మంగళవారం, రంగులు - పసుపుపచ్చ, ఎరుపు. అదృష్ట దైవం సుబ్రహ్మణ్యస్వామి.

విళంబి నామ సంవత్సరం రాశిఫలాలు వృశ్చికం Scorpio 2018 results

వృశ్చికం

విశాఖ 4వ పాదం; అనూరాధ, జ్యేష్ఠ
ఆదాయం: 2; వ్యయం: 14

రాజపూజ్యం: 5; అవమానం: 2
కల సాకారమవుతుంది. ఉత్సాహంతో పనులు ప్రారంభిస్తారు. ఆశయం వెంటనే నెరవేరుతుంది. కార్యసాధనలో మీదే పైచేయి అవుతుంది. సకాలంలో స్పందించి ఆపదలు దరిచేరకుండా జాగ్రత్తపడతారు. ఉద్యోగంలో విశేషమైన శుభయోగముంది. నూతన వస్తువులు కొనుగోలు చేస్తారు. పట్టుదలతో ముందడుగు వేయండి. ధైర్యంగా నిర్ణయాలు తీసుకోండి. సంబంధ బాంధవ్యాలు పటిష్ఠం చేసుకుంటారు. శ్రమ పెరుగుతుంది. అద్భుతమైన మేధోసంపత్తితో విజయాలు వశమవుతాయి. ఆర్థికంగా మంచి కాలమిది. చేపట్టిన పనులు నిదానంగా పూర్తి అవుతాయి. మాట విలువను
కాపాడుకోవాలి. అపోహలు తొలగుతాయి. నిబద్ధతతో పనిచేసి ప్రశంసలందుకుంటారు. బుద్ధిబలంతో పెద్దలను మెప్పిస్తారు. స్థానచలన సూచనలున్నాయి. బంధువుల వ్యవహారాల్లో అతి చొరవ తీసుకోవద్దు. విశేషమైన కృషి అవసరం. దయాగుణంతో వ్యవహరిస్తే బంగారు భవిష్యత్తు ఏర్పడుతుంది. సమాజంలో మీ విలువ పెరుగుతుంది.
సంతృప్తినిచ్చే ఫలితాలు వస్తాయి. వ్యాపారంలో ఒడిదొడుకులున్నా సమయస్ఫూర్తితో పనిచేసి లాభాలు రాబడతారు. పక్కనే ఉండి ఇబ్బందిపెట్టేవారున్నారు. సందర్భానుసారం మాట్లాడితే సరిపోతుంది. ఈ రాశి మహిళలకు బాగా కలిసి వస్తుంది. పని ఒత్తిడిని జయిస్తారు. సానుకూల వాతావరణం లభిస్తుంది. కుటుంబ వాతావరణం ఆనందాన్నిస్తుంది. శక్తికి మించిన పనులు చేసి సమాజంలో మీకంటూ ఒక
ప్రత్యేకమైన గుర్తింపును పొందుతారు. విష్ణు సహస్రనామం చదువుకుంటే అదృష్టం పడుతుంది. విష్ణు సందర్శనం శాంతినిస్తుంది. శనగలు, నువ్వులు దానం చేస్తే మంచి ఫలితాలు సిద్ధిస్తాయి.
ఈ రాశివారి అదృష్ట సంఖ్య 9, కలిసొచ్చే వారం - గురువారం, రంగులు - ఎరుపు, పసుపుపచ్చ. అదృష్ట దైవం శివుడు.

విళంబి నామ సంవత్సరం రాశిఫలాలు 2018 తుల Libra results

తుల


చిత్త 3, 4 పాదాలు, స్వాతి, విశాఖ 1, 2, 3 పాదాలు
ఆదాయం: 11; వ్యయం: 5

రాజపూజ్యం: 2; అవమానం: 2
బ్రహ్మాండమైన శుభకాలం నడుస్తోంది. అనుకున్నది సాధిస్తారు. ఎటుచూసినా విజయమే కనపడుతోంది. సందేహాస్పదమైన అంశాల్లో పనిచేసేటప్పుడు మిత్రుల సూచనలు పాటించండి. స్వయంప్రతిపత్తితో ముందుకు సాగండి. మనోబలమే విజయానికి మూలం. పెద్దల నిర్ణయాన్ని స్వీకరిస్తే ప్రశాంతత లభిస్తుంది.
కుటుంబసభ్యులతో కలిసి తీసుకునే నిర్ణయాలు సత్వర శుభాన్నిస్తాయి. మేలు జరిగే ఆలోచనలు కలుగుతాయి. ఉద్యోగపరంగా మంచి ఖ్యాతిని గడిస్తారు. వ్యాపారయోగం బాగా కలిసి వస్తుంది. అదృష్టయోగం పడుతుంది. ఆర్థిక వృద్ధి విశేషంగా ఉంటుంది. మనోధైర్యంతో చేసే పనులు విజయాన్నిస్తాయి. ప్రయాణాలు అనుకూలిస్తాయి.
మీ సత్ప్రవర్తన మీ అభివృద్ధికి మూలం. సంకల్పాలు నెరవేరతాయి. చేసే పనిలో స్పష్టత పెరుగుతుంది. ముఖ్య వ్యవహారాల్లో కుటుంబ సభ్యులతో చర్చించి నిర్ణయాలు తీసుకోవడం మంచిది. అర్హతనుబట్టి లాభాలుంటాయి. వినయ విధేయతలతో పేరు ప్రతిష్ఠలు సంపాదిస్తారు. విద్యార్థులకు స్వల్ప ప్రయత్నంతోనే లాభం చేకూరుతుంది.
మనోభీష్టం వెంటనే నెరవేరుతుంది. అనుకున్న రంగాల్లో స్థిరపడతారు. ఉల్లాసంగా ఉత్సాహంగా కాలం ముందుకు సాగుతుంది. ఒక వ్యవహారంలో గొప్ప కీర్తిని సొంతం చేసుకుంటారు. ఆరోగ్యపరంగా దృఢంగా ఉంటారు. గతంకంటే అధిక శక్తి లభిస్తుంది. గృహంలో శుభకార్యాలు జరుగుతాయి. పదిమందికీ మేలు చేస్తారు. దైవానుగ్రహంతో ఒక మంచిపని చేపడతారు. సంఘంలో ప్రత్యేక స్థానం లభిస్తుంది. భవిష్యత్తులో సుఖపడే విధంగా ఆలోచనా విధానం ఏర్పడుతుంది. దత్తాత్రేయ స్తోత్రం శుభదాయకం. లక్ష్మీదేవి సందర్శనం మేలు చేస్తుంది. శనగలు దానం చేస్తే ధనబలం మరింతగా పెరుగుతుంది.
ఈ రాశివారి అదృష్ట సంఖ్య 6, కలిసొచ్చే వారం - శనివారం, రంగులు - ఎరుపు, పసుపుపచ్చ. అదృష్ట దైవం శివుడు.