ఈ అంకెలు చదివి ఆ సంఖ్య ఎంతో చెప్పడం వెంటనే అయ్యే పనికాదు. ఒకటికి పదిసార్లు లెక్కించుకోవాలి. అయితే ఒక్క మాటలో చెప్పాలంటే మాత్రం 30 ట్రిలియన్లు. కేజీల్లో చెప్పాలంటే మీరు చదివి అర్థం చేసుకునేదాన్ని బట్టి ఉంటుంది. మామూలుగా అయితే 30 లక్షల కోట్లు. ప్రస్తుత భూగోళం బరువు ఇది. భూమ్మీద ఉన్న చిన్నాచితక నిర్మాణాలు సహా అన్నింటితో కలిపి భూగోళం బరువు 30 లక్షల కోట్ల బరువు(30 ట్రిలియన్ టన్నులు) ఉంటుందని తాజా అధ్యయనం ఒకటి తెలిపింది. బ్రిటన్లోని లీసెష్టర్ యూనివర్సిటీకి చెందిన జియాలజిస్టుల అంతర్జాతీయ బృందం మొట్టమొదటిసారిగా భూమ్మీద ఉన్న అన్ని నిర్మాణాలను కలుపుకుని పూర్తి పరిమాణాన్ని అంచనా వేసింది. ఇళ్లు, ఫ్యాక్టరీలు, ఇతర నిర్మాణాలు, పొలాలు, కంప్యూటర్లు, స్మార్ట్ఫోన్లు, సీడీలు, చెత్తచెదారం తదితర అన్నింటితో కలిపి భూమి బరువు 30 ట్రిలియన్ టన్నులు ఉంటుందని లీసెష్టర్ యూనివర్సిటీ ప్రొఫెసర్ మర్క్ విలియమ్స్ అంచనా వేశారు. అంటే భూమ్మీద ప్రతీ చదరపు మీటరుకు 50 కేజీల బరువు ఉందన్నమాట. తాజా అధ్యయనం వివరాలు ఆంథ్రోపోసెనె రివ్యూ జర్నల్లో ప్రచురితమయ్యాయి.
No comments:
Post a Comment