మైదానంలో ఎప్పుడూ సీరియస్గా ఉంటూ, ప్రత్యర్థి ఆటగాళ్ల కళ్లలోకి కళ్లు పెట్టి కోపంగా చూసే గంభీర్లోని ఫన్ యాంగిల్ ఇన్నాళ్లకు బయటపడింది. యువరాజ్ సింగ్ను ఆటపట్టిస్తూ గంభీర్ చేసిన సరదా ట్వీట్ సోషల్ మీడియాలో వైరల్గా మారింది. టీమిండియా వెటరన్ క్రికెటర్ యువరాజ్ సింగ్ వివాహం నటి హాజల్ కీచ్తో బుధవారం జరిగింది. ఈ సందర్భంగా యువీకి పలు జాగ్రత్తలు చెబుతూ గంభీర్ ట్వీట్ చేశాడు.
‘పెళ్లిలో మంచి షేర్వాణీ ధరించిన యువరాజ్.. ఎవరికీ తెలియకుండా లోపల చెస్ట్గార్డ్ (బంతి చెస్ట్కు తగలకుండా బ్యాట్స్మెన్ ధరించేవి) కూడా ధరించే ఉంటాడు. అయితే పెళ్లి తర్వాత భార్య నుంచి ఎదురయ్యే బౌన్సర్లను అడ్డుకునేందుకు ఇప్పటివరకు ఎవరూ చెస్ట్గార్డ్లను తయారుచేయలేదని యువీ తెలుసుకోవాలి. పెళ్లి అయిన తర్వాత చాలా కష్టాలు ఎదుర్కోవాలి. కొత్త పెళ్లి కొడుక్కి ఆ విషయంలో నేను సహాయం చేస్తా. భార్య నుంచి వచ్చే బౌన్సర్లను ఎదుర్కోవడానికి నా దగ్గర కొన్ని టిప్స్ ఉన్నాయి. ఈ సారి కలిసినపుడు యువీకి చెబుతా. అప్పటివరకు మాత్రం యువీకి నా బెస్ట్ విషెస్’ అని గంభీర్ ట్వీట్ చేశాడు.
No comments:
Post a Comment