Ganapathi Bappa Moriya Visakha Maha Ganapati Suru by the Guinness record for the arrival of 12,500 kg heavy Laddu Laddu preparation గణపతి బప్పా మోరియా విశాఖ మహా గణపతి కి గిన్నిస్ రికార్డు లడ్డు రాక సురుచి వారిచే 12,500 కిలోల భారీ లడ్డు తయారీ

గణపతి బప్పా మోరియా
విశాఖ మహా గణపతి కి గిన్నిస్ రికార్డు లడ్డు రాక
సురుచి వారిచే 12,500 కిలోల భారీ లడ్డు తయారీ. .

రాజమండ్రి,ప్రపంచం లోనే అతి పెద్ద లడ్డు గా 12,500 కిలోల భారీ లడ్డు తయారు చేస్తున్నాట్టు సురుచి అధినేత పోలిశెట్టి మల్లిబాబు శుక్రవారం ఏర్పాటు చేసిన మీడియా సమావేశంలో దీనికి సంబంధించిన వివరాలను వెల్లడించారు. ఈ లడ్డూ తయారీకి రూ. 30 లక్షలు వ్యయం అవుతుందని అంచనా. లడ్డూను విశాఖపట్నం లోని గాజువాకలో విశ్వ నెలకొల్పే దేశంలోనే అతిపెద్ధ గణనాథుని విగ్రహానికి సమర్పించనున్నట్టు తెలిపారు. ఈ లడ్డూను పూర్తిగా ఉచితంగా ఇవ్వనున్నారు. మిత్రులు, బంధువులు ఇచ్చే విరాళాలలతో దీన్ని తయారు చేయనున్నారు. దీంతో పాటు ఎప్పటి లాగే హైదరాబాదులోని ఖైరతాబాద్ గణనాథుడికి 500 కిలోల లడ్డూ ఉచితంగా సమర్పిస్తారు. దీంతో పాటు రామచంద్రపురం ,కాకినాడ , అయినవల్లి, బిక్కవోలు, హైదరాబాదు చాపల బజార్లకు లడ్డూలు పంపుతారు. గిన్నిస్ లడ్డూతో పాటు ఈ లడ్డూల తయారీకి ఈ నెల 29 ఆదివారం మల్లిబాబు తో పాటు 20 సురుచి సిబ్బంది వినాయక మాలధారణ చేస్తారు. ఆవరణలో ఏర్పాటు చేసిన మిఠాయి మేస్త్రి గణనాథుని ప్రతిష్టిస్తారు. సెప్టెంబరు 2 న తయారీ ఆరంభిస్తారు. 3 న జీడిపప్పు ఫేస్టుతో అలంకరణ తుది మెరుగులు దిద్ధుతారు. 4 న ప్రజల సందర్శనార్ధం ఉంచి సాయంత్రం ఇటు హైదరాబాద్ అటు విశాఖ పట్నం లకు భారీ క్రేన్ ల సాయంతో తరలిస్తారు. హైదరాబాద్ లో గవర్నర్ నరసింహన్ దంపతుల ప్రత్యేక పూజల అనంతరం 500 కిలోల లడ్డూను ఖైరతాబాద్ గణనాథుని హస్తంలో అలంకరిస్తారు. గాజువాకలోని అతి పెద్ధ వినాయక విగ్రహం వద్ధ గిన్నిస్ రికార్డు సురుచి లడ్డూ (12500 కిలోల ) ను నివేదిస్తారు.
ఇప్పటివరకూ గుజరాత్ రాష్ట్రంలోని అంబాజీ పట్టణంలో 11115 కిలోల లడ్డూ 2015 సెప్టెంబర్ 24న తయారు చేసినట్టు గిన్నిస్ లో నమోదై వుంది. ఇపుడు సురుచి 12500 కిలోల లడ్డూను తయారు చేసి గిన్నీస్ రికార్డు కోసం ప్రయత్నిస్తోంది.